Трамп сонгогдвол Япон, Өмнөд Солонгосоос цэргээ татна
2016.03.28 15:18
НЬЮ-ЙОРК. /ВВС/. Японтой байгуулсан аюулгүй байдлын гэрээ “нэг талыг баримталсан” байна гэж АНУ-ын ерөнхийлөгчийн сонгуульд нэр дэвшихээр өрсөлдөж байгаа Дональд Трамп мэдэгдэв. Хэрвээ сонгогдвол энэ асуудлыг дахин хэлэлцэнэ гэж тэрбээр “New York Times” сонинд ярилцлага өгөхдөө дурджээ.
"Хэрвээ Японд халдвал АНУ бүх хүчээ гаргах хэрэгтэй, харин АНУ-д халдвал Япон юу ч хийхгүй" байхаар гэрээнд заасан байна гэж тэрбээр мэдэгдсэн байна.
Улсад нь байгаа америк цэргүүдийн байр, хоолны зардлын Япон, Өмнөд Солонгос бодитойгоор нэмэгдүүлэхгүй бол тус улсуудаас АНУ-ын цэргийг эргүүлэн татна гэж тэрбээр мэдэгджээ.
Нэгэн цагт хүчирхэг армитай, асар их чадавхтай баян улс байсан АНУ-ын хүч хумигдаж байна гэж тэрбээр мэдэгджээ. Мөн тэрбээр, Умард Солонгос, БНХАУ-аас өөрсдийгөө хамгаалахын тулд цөмийн зэвсэгтэй болох эрхийг Япон, Өмнөд Солонгост өгөхөд бэлэн байгаа илэрхийлсэн байна.
“Лалын улс” бүлэглэлийн босогчидтой тэмцэх хуурай замын цэргүүдийг илгээх амлалтаа биелүүлэхгүй бол Саудын Араб болон Арабын бусад орноос нефть худалдан авахаа зогсооно гэж Трамп мэдэгджээ.
Д.Нямтулга