2018 оны хөлбөмбөгийн дэлхийн аварга шалгаруулах тэмцээн ОХУ-д болно. Манай хойд хөрш дэлхийн тэргүүлэх гүрэн боловч анх удаа энэ тэмцээнийг зохион байгуулах эрх авсан.

ФИФА (Олон улсын хөлбөмбөгийн холбоо) ОХУ-д болох дэлхийн аваргын тоглолтууд явагдах 12 цэнгэлдэх хүрээлэнг албан ёсоор баталлаа. Эдгээр цэнгэлдэх хүрээлэнгүүд нд “Екатеринбург Арена”, Сочи хотын “Стадион Фишт”, “Казань Арена”, “Стадион Калининград”, Москва хотын “Стадион Лужник”, “Стадион Спартак”, “Мордов Арена”, “Стадион Нижний Новгород”, “Ростов Арена”, “Самар Арена”, “Санкт-Петербург” Арена”, “Волгоград Арена” юм.

“ФИФА 2018” хөлбөмбөгийн XXI дэх удаагийн дэлхийн аваргын тэмцээн 2018 оны зургаадугаар сарын 14-нөөс 15-ны хооронд болно. Мөн нээлт нь Москва хотын алдарт “Лужник” цэнгэлдэх хүрээлэнд болох билээ.

Сонирхуулахад 2018 оны дэлхийн аваргад оролцох шигшээ багуудын урьдчилсан тоглолтууд эхэлсэн байгаа. Үзэгчдийн сонирхлыг хамгийн ихээр татдаг Европын бүст 53 улсын шигшээ баг хамрагдсан бөгөөд “А” хэсэгт Франц, Голланд, Швед, Болгар, Беларусь, Люксембург, “В” хэсэгт Португал, Швейцарь, Унгар, Латви, Андорра, Фарерын Арлууд, “С” хэсэгт Герман, Чех, Норвеги, Хойд Ирланд, Азербайжан, Сан Марино, “D” хэсэгт Австри, Уэльс, Серб, Ирланд, Молдав, Гүрж, “E” хэсэгт Дани, Румын, Польш, Монтенегро, Армени, Казахстан, “F” хэсэгт Англи, Словак, Шотланд, Словени, Литви, Мальт, “G” хэсэгт Испани, Итали, Албани, Израйль, Македона, Лихтейнштейн, “H” хэсэгт Бельги, Босни, Грек, Эстони, Кипр, “I” хэсэгт Хорват, Исланд, Украйн, Финланд, Туркийн шигшээ багтжээ.

Г.Төмөр