Өсвөрийн хөлбөмбөгчид Азийн фестивалийг зорино
2014.08.07 14:51
Манай улсын өсвөрийн хөлбөмбөгчид өнөөдөр БНСУ-ыг зорьж байна. Тэд БНСУ-ын Кёнги аймгийн Хвасон хотод энэ сарын 8-11-нд Азийн өсвөрийн хөлбөмбөгчдийн фестивальд оролцох гэж буй юм.
k
Энэхүү фестивальд Монгол Улсаа төлөөлөн хөвгүүдийн 12 болон 15 насны ангилалад Чингэлтэй дүүргийн Засаг даргын дэргэдэх өсвөрийн шигшээ баг болон 24 дүгээр сургуулийн баг тамирчид өрсөлдөнө. Энэ удаагийн фестивальд Азийн 42 улсын баг уригдсан байна.
j
Анхдугаар фестиваль өнгөрсөн жилийн намар БНСУ-ын Инчон хотод болж, Чингэлтэй дүүргийн Засаг даргын дэргэдэх өсвөрийн шигшээ баг, 24 дүгээр сургуулийн баг тамирчид 12 хүртэлх насны ангилалд оролцож, тавдугаар байрт шалгарч байсан билээ. Баг тамирчдын зардлыг Чингэлтэй дүүргийн ЗДТГ болон “Хүчит Чулуут” ХХК гаргаж буй юм байна.
h
Б.Бэхи