“СМОХ НАМРЫН БАЯР-2016” спорт өдөрлөг 

амжилттай зохион байгуулагдлаа

БНСУ-д 2016 оны 10-р сарын байдлаар нийтдээ 5814 оюутан суралцаж байна гэсэн судалгаа бий. Энэ нь тус улсад суралцаж буй гадаад оюутнуудын тоогоор Монгол улс 3-р байрт бичигдэж байна гэсэн үг. Тийм ч учраас эдгээр оюутнуудын төлөөлөл байгууллага болох БНСУ-д суралцагч Монгол Оюутны Холбоо /СМОХ/ оюутан, залуучуудынхаа чөлөөт цагийг үр ашигтай өнгөрүүлэх, эрдэм мэдлэгийг дээшлүүлэх, эв нэгдлээ бататгахад чиглэсэн төрөл бүрийн үйл ажиллагааг явуулдаг билээ.

2016-2017 онд ажиллах Удирдах зөвлөл, Хяналтын зөвлөлийн гишүүдээр сонгогдоод удаагүй байгаа шинэ хамт олны эхний том ажил нь “Намрын баяр-2016” тэмцэээн байлаа. “Эрдэм, эв нэгдэл, эх орон” гэсэн уриан дор үйл ажиллагаагаа явуулдаг СМОХ нь жил бүр уламжлал болгон зохион байгуулдаг "НАМРЫН БАЯР-2016" спорт өдөрлөгөө Хансон Их Сургуулийн спорт зааланд амжилттай зохион байгуулав. Сөүл төдийгүй Дэгү, Бусан, Чонжү зэрэг алслагдсан хотуудаас оролцохоор ирсэн, нийт 30 гаруй сургуулийн 300 гаруй оюутан тамирчид нэгэн өдөр спортын хүрээнд нэгдлээ. Энэ удаагийн тэмцээний онцлог нь суралцаж буй оюутнуудаас гадна сургуулиа төгсөгчид нэгдэн оролцсоноороо тэмцээний цар хүрээ улам тэлсэн билээ.

Оролцогчид сагсан бөмбөг, теннис, шатар, даам, дартс мөн энэ жилээс “Журамт Монгол” ТББ-тай хамтран Монгол ёс, заншлаа дэлгэрүүлэх хүрээнд монгол тэвэгний төрлийг нэмж оруулсан юм. Мөн тэмцээний нээлтийн үйл ажиллагаанд багуудын төлөөлөгчид үндэсний хувцсаа өмсөж хүндэтгэл үзүүлсэн нь гадаадад болж буй Монголчуудын дундах тэмцээний нэгэн бахархалт үйл явдал байлаа.  

Тэмцээний нээлтийн үйл ажиллагаанд СМОХ-ны тэргүүн Э.Золзаяа нээж үг хэлсэн бол Монгол Улсаас БНСУ-д суугаа ЭСЯ-ны нарийн бичгийн дарга Г.Баттулга болон албаны төлөөлөгчид хүрэлцэн ирж, баг тамирчдадаа мэндчилгээ дэвшүүллээ. Мөн Курё Их Сургуулийн оюутан Ө.Уянга, Хёбсон Их Сургуулийн оюутан Ш.Дүүрэнжаргал нар оюутнууддаа мэндчилгээ хүргэсэн юм.

Ийнхүү оюутан залуус маань нэгэн өдрийг спортоор өрсөлдөж, өмнөх жилийн амжилтаа ахиулж, оюутан насныхаа нэгэн дурсамжийг бүтээн, ирэх жилийн тэмцээнээ хүлээсээр өндөрлөлөө. Ингээд "НАМРЫН БАЯР-2016" спорт өдөрлөгийн шилдгүүдтэй танилцана уу.

Сагсан бөмбөг (эрэгтэй) 
1-р байр: Дунгүг Их Сургууль (동국대학교)
2-р байр: Дэханшинхагдэхагвон Их Сургууль (대한신학대학원대학교)
3-р байр: Сөүлийн Үндэсний Их Сургууль (서울대학교)

Сагсан бөмбөг (эмэгтэй) 
1-р байр: Дэханшинхагдэхагвон Их Сургууль (대한신학대학원대학교)
2-р байр: Вэшин Их Сургууль (웨신대학교) 
3-р байр: Дэгү Их Сургууль (대구대학교)

Шилдэг Эрэгтэй тоглогч 
Э.Ганболд  Дунгүг Их Сургууль (동국대학교)
Шилдэг Эмэгтэй тоглогч 
Д.Отгончимэг Дэханшинхагдэхагвон Их Сургууль (대한신학대학원대학교)

ТЕННИС (эрэгтэй) 
1-р байр: Ц.Отгонбаяр (비전대학교)
2-р байр: Г.Амартүвшин (대구대학교) 
3-р байр: С.Болдбат (계신대학교)

ТЕННИС (эмэгтэй) 
1-р байр: Б.Гиймаа (신한대학교) 
2-р байр: С.Алтанзул (강원대학교) 
3-р байр: О.Ариунсувд (한연신학대학교)

ТЕННИС (холимог) 
1-р байр: Г.Чинбат(상명대학교), Б.Гиймаа (신한대학교) 
2-р байр: М.Мөнхжаргал (한국항공대학교), С.Алтанзул (강원대학교) 
3-р байр: Ц.Отгонбаяр, О.Соёлсайхан (전북대학교)

ШАТАР
1-р байр: Ж.Пүрэвсүрэн (대구대학교)
2-р байр: А.Жаргалсайхан (UNIST)
3-р байр: Э.Төгөлдөр (강원대학교)

ДААМ
1-р байр: Б.Эрдэнэ-Ван (서울과학기술대학교) 
2-р байр: А.Жаргалсайхан (UNIST) 
3-р байр: Ж.Пүрэвдорж (대구대학교)

ДАРТС 
1-р байр: Л.Номин-Очир (서울대학교)
2-р байр: н.Болдбат (계신대학교) 
3-р байр: Б.Батзаяа

"НАМРЫН БАЯР-2016" спорт өдөрлөгийн нээлтийн үйл ажиллагаа

"НАМРЫН БАЯР-2016" спорт өдөрлөгийн нээлтийн үйл ажиллагаа

СМОХ-ны тэргүүн Э.Золзаяа нээж үг хэлэв.

"НАМРЫН БАЯР-2016" спорт өдөрлөгийн нээлтийн үйл ажиллагаа

Монгол Улсаас БНСУ-д суугаа ЭСЯ-ны нарийн бичгийн дарга Г.Баттулга мэндчилгээ дэвшүүлэв.

"НАМРЫН БАЯР-2016" спорт өдөрлөгийн сагсан бөмбөгийн төрөлд эхний 3 байр эзэлсэн багууд, СМОХ-ны Удирдах зөвлөл, Хяналтын зөвлөлийн гишүүдийн хамт.

“Журамт Монгол” ТББ-тай хамтран зохион байгуулсан "Монгол тэвэг" тэмцээний ялагчийн хамт “Журамт Монгол” ТББ-ын тэргүүн Б.Хангайбаатар, СМОХ-ны тэргүүн Э.Золзаяа.

Сөүл Глобал төвийн Монгол сэтгүүлч Г.Нандин-Эрдэнэ.