"GalaxyNOTE S7" гар утасны батерей дэлбэрч байна гэсэн гомдол гарчээ
2016.09.02 18:08
Өмнөд Солонгос улсын "Самсунг компани" нь өнгөрсөн сарын 19-ний өдөр дэлхийн зах зээл дээр "GalaxyNOTE S7" гар утсыг шинээр гаргасан билээ.
Гэвч гадаадын хэд хэдэн хэрэглэгчид тухайн утасны батарейг цэнэглэж байх явцад дэлбэрсэн тухай мэдээллийг олон нийтийн цахим хуудсанд байрлуулсан байна.
Үүнтэй холбогдуулан "Самсунг компани"-ийн зүгээс "GalaxyNOTE S7" утасны батарейд дахин чанарын шалгалт хийж улмаар "Бид уг утсыг олон орны зах зээл дээр нийлүүлсэн бөгөөд өнөөгийн байдлаар дотоодын зах зээл дээр 400-н мянган ширхгийг борлуулсан байгаа. Өнөөг хүртэл тэдгээр хэрэглэгчдээс бүтээгдэхүүний талаар батарей нь дэлбэрсэн, шатсан болон өөр бусад төрлийн гомдлууд ирээгүй. Гэхдээ бид судалж үзээд цаашид "GalaxyNOTE S7" утасны хэрэглэгчдийн батарейг үнэгүй сольж өгөх тухай хэлэлцэж байна" гэж мэдэгджээ.