Өмнөд Солонгос улсад ирэх 4-р сарын 13-нд зохион байгуулагдах Их Хурлын гишүүнийг сонгох сонгуулийн сурталчилгааны хугацаа 3-р сарын 31-ний өдөр эхлэх юм байна.
Сонгуулийн сурталчилгаа нь 13 хоног үргэлжилж 4-р сарын 12-ны өдөр дуусах ба иргэд 4-р сарын 13-ны өдөр, сонгуулийн 253-н тойргийн санал хураах 3511-н байранд очиж саналаа өгөх ажээ.
Нэр дэвшигчид нь сонгуулийн штаб байгуулан ажиллах ба хуулийн дагуу нэр дэвшсэн тойрогтоо өөрийн биеэр сурталчилгаа хийх эсвэл түүнийг дэмжигч сонгогчдын тусламжтайгаар зурагт хуудас тараах, СЕХ-нд бүртгүүлсэн сонгуулийн штабын утсаар өглөөний 06:00 цагаас үдшийн 23:00 цаг хүртэл сурталчилгаа хийх, гар утасны мессеж илгээх, интернэтэд сурталчилгаа байршуулах, гудамж талбайн зөвшөөрөлтэй хэсгүүдэд сурталчилгааны зурагт хуудас байрлуулах зэрэг аргуудаар сурталчилгаа хийх боломжтой юм байна.
Өмнөд Солонгос улсад Их Хурлын гишүүнийг сонгох сонгуулийн сурталчилгаа нь 13 хоног үргэлжилдэг бол Ерөнхийлөгчийн сонгуулийн сурталчилгааны хугацаа 22 хоног үргэлжилдэг ажээ.
