Шинэ дүрэм, журам:
• БНСУ д 10сарын 1 нээс эрчимтэй #баривчилгаа
Энэ хугацаанд барилгын салбар дээр визтэй, визгүй хууль бусаар ажиллаж буй гадаадын иргэд ажил хийж байгаад баригдсан тохиолдолд шууд нутаг албадан буцааж, 10-н жилийн хугацаанд орж ирэх эрхийг нь хаах юм байна.
Дээрхи хугацаагд сайн дураар нутаг буцах тохиолдолд гааль дээр хуулийн дагуу 68-1 тамга дарах бөгөөд эргэн орж ирэх хугацааг нээж өгөх юм байна. Эргээд ямар виз авахаас шалтгаалан виз гарах эсэх асуудлаа Монгол дахь Солонгос элчин сайдын яамнаас зөвлөгөө аваарай.
• F-5 статустай гадаадын иргэд цаашдаа доор тогтоосон хугацаанд ногоон карт болох байнгын иргэний үнэмлэх/영주증/ээр солих хэрэгтэй.
Цэнхэр өнгөтэй гадаад иргэний үнэмлэхээс тусгаарлан, ногоон карт болгон албан ёсоор байнгын иргэний үнэмлэх/영주증/ гэж нэрлэж байгаа болохлоор энэ журмаа дагаад нэмэлт шинэ хууль дүрэм, давуу талууд гарч ирж магадгүй гэж битүүхэндээ найдаж л байна...
• Солонгос улсад 5-аас дээш жил тогтмол оршин суусан гадаадын иргэн энгийн иргэншил/일반귀화/д хүсэлт өгч болдог байсан бол тухайн дүрэм журманд өөрчлөлт орж, энэ оны 12сарын 20-оос хойш болзол нь өөрчлөгдөн шууд өгөх боломжгүй болно.
Энгийн иргэншилд хүсэлт гаргах гэж буй иргэд энэ оны 12сарын 19нөөс өмнө амжиж өгөөрэй.
• Гэрээний визтэй иргэд шинэ ажлын байраа олоод иммигрэшнд заавал урьдчилан очиж бүртгүүлдэг байсан бол цаашдаа гадаадын иргэн өөрөө хүсвэл Хайкореа цахим хуудсаар дамжуулан иммигрэшнд очихгүй цахимаар бүртгүүлж болно.
• Гэрээний визтэй иргэдийн онооны E7-4 визний хүсэлтийг 10сарын 1, 2, 4нд гурван өдөр бүртгэл авна. Нэмэлт баримт бичиг шаардахгүй, шалгахгүй шууд хурааж авах учраас анхнаасаа сайн бэлдэж очоорой.
-Оноогоо тоолж, жагсааж бичих шинэ маягт албан ёсоор гаргасан байгаа тул шинэ маягт дээр оноогоо тооцоолон зөв бөглөөрэй.
* Улирал болгон 100хүн сонгогдож байхад тэр дунд Монголчууд 2-3хүн л авсан байдаг нь харамсалтай.
Эзэн хичээвэл заяа хичээнэ... гэдгийн адил хувь хүн өөрөө хичээвэл гэрээний виз, их дээд сургуулийн визээ ахиулах боломж нэг үеийг бодвол хамаагүй нээлттэй болсон санагддаг.
Мөн манайхан хүний нутагт архи дарс ууж хоорондоо их зодоон хийж байна. Эцэстээ та өөрөө л хохироно шүү дээ.
Манай ээжийн хэлдэг нэг сайхан үг бий:
-Хүн цохих гэвэл шууд зугтаа гэдэг....сэн.
Хүний нутагт •алт шиг сайхан залуу насаа• хүнд ажилд нухлагдан өнгөрөөж байгаа ч гэсэн энэ багахан хугацаагаа үр бүтээлтэй, мөрийтэй тоглоом/казино/ болон архинаас холхон байж, интернэт хөгжсөн энэ сайхан үед өөрийгөө илүү хөгжүүлэн...эх орондоо илүү ихийг бүтээгээрэй залуусаа.
Танд ч бас боломж бий.
