Солонгос Солонгос оюутан уурандаа их сургуульд бөмбөг дэлбэлжээ
2017.06.19 10:30
Өмнөд Солонгосын нийслэл Сөүл хотноо байрлах “Yonsei” их сургуульд энэ долоо хоногийн эхээр дэлбэрэлт болсон. Уг хэрэг явдлын улмаас тус сургуулийн багш 50 настай Ким гэгч бэртсэн юм.
Цагдаагийнхан хэрэг явдлын дараа их сургуулийн байрыг хяналтадаа авч, оюутнуудыг нь нүүлгэн шилжүүлжээ. Хэрэг гарсанаас нэг өдрийн дараа хэрэгтэнг баривчилсан юм. Дэлбэрэлт үйлдсэн хэрэгтэн тус их сургуулийн оюутан 25 настай Нам гэгч болохыг мөрдлөгийн явцад тогтоожээ. Түүний шүүх хурал өчигдөр эхэлсэн бөгөөд “Тэрбээр “Намайг доромжилсон тэр хүнд хариуг нь барихыг хүссэн” хэмээн шүүхийн үеэр хэлсэн талаар “www.koreatimes.co.kr” сайт мэдээллээ.
Шүүхээс түүнд тэсрэх бөмбөг дэлбэлсэн, хүний аминд санаатай хүрэхийг санаархсан хэмээн буруутгаж буй юм.
Хэрэг гарахаас нэг өдрийн өмнө оюутан залуу , дэлбэрэлтийн улмаас эмнэлэгт хүргэгдээд буй багштайгаа уулзаж, дипломын ажлаа үзүүлэх үед багш, түүнийг элдвээр хэлжээ. Энэхүү үйл явдлын дараа оюутан залуу уурандаа тус багшийн өрөөнд тэсрэх бөмбөг суурилуулсан байна. Багш гуя, хацар болон хүзүүндээ гэмтэл авчээ. Тэрбээр хэвлэлийнхэнд “Түүнд ял өгөх хэрэггүй. Түүнд шалтгаан байсан байх” гэж хэлжээ.
Б.Дэлгэрцэцэг