БНСУ-ын экс Ерөнхийлөгч Пак Гын Хегийн авилгалын хэргийг шүүх хурал үргэлжилсээр байна. Өнөөдөр түүнийг шүүх 14 дэх удаагийн хурал болж байгаа бөгөөд тус улсын хэвлэл мэдээллийн хэрэгслүүдээр экс Ерөнхийлөгч Пак Гын Хе сэтгэл санааны хувьд хэвийн биш байдалд байгаа тухай бичиж байгаа аж.
Тухайлбал хоёр хоногийн өмнө түүнийг шүүх 13 дахь удаагийн хурал болсон юм. Түүний өмгөөлөгч тухайн өдөр гэрчээр оролцсон хүнээс асуулт асууж байх үеэр Экс Ерөнхийлөгч Пак Гын Хе харандаагаар цаасан дээр ямар нэгэн зүйл зурж, зурсан зүйлээ баллуурдаж байжээ. Түүнд шүүх хурал огтоос хамаагүй мэт хандаж байгаа нь хэвлэл мэдээллийнхэний анхаарлыг татаж байгаа гэнэ. Ерөнхийлөгч асаны эрүүл мэдийг хариуцаж буй эмч нар харин энэ тухай тодорхой мэдээлэл өгөхгүй байгаа ажээ.
Экс Ерөнхийлөгч Пак Гын Хе 20 гаруй минут тийнхүү зураг зурсан ба цаасан дээр үлдсэн баллуурын хогийг гараараа цэвэрлэж дараа нь нойтон цаасаар арчиж суусан байна.
Тэрээр өмнөх удаад шүүх хурал дээрээ зүүрмэглэн суусан хэмээн шүүмжлүүлж байсан удаатай.