Солонгос Хулгай хийсэн Монголын хоёр иргэнд 1-2 жилийн ял оногдууллаа
2016.01.15 06:55
Өмнөд Солонгос улсын Сөүл хотын цагдаагийн газар өнгөрсөн оны 5-р сард Монгол улын иргэн 38-н настай А болон түүний төрсөн эрэгтэй дүү, 32 настай Б нарыг бүлэглэн хулгайн хэрэгт сэжиглэн саатуулсан билээ.
Тэдгээр иргэд Солонгос улсад аялал жуулчлалын визээр зорчиж байхдаа тусгайлан тоноглосон цүнх ашиглан хэд хэдэн дэлгүүрээс таван удаагийн үйлдлээр, таван сая 460-н мянган воноор үнэлэгдэх гутал, цүнх, хувцас хулгайлсан хэрэг үйлдсэн байна.
Монгол эгч, дүү хоёр хулгайлсан барааг ачаа, тээврийн компаниар дамжуулан Улаанбаатар хот дах гэр рүүгээ илгээдэг байсан ба ар гэрийнхэн нь хүлээж авсан барааг зарж борлуулан бэлэн мөнгө болгодог байсан нь илэрчээ.
Өнгөрсөн оны 10-р сард болсон шүүх хурлаар дүүд нь 2 жил хоригдох ял оноосон бол эгчид нь нэг жил хоригдох ял оноосон байна. Гэвч тэд давж заалдсан бөгөөд давж заалдах шатны шүүх хурлал өнөөдөр хуралдаж, тэдэнд оноосон ялыг хэвээр үлдээжээ.
