메뉴 건너뛰기


БНСУ-Д АМЬДАРЧ БУЙ МОНГОЛ ИРГЭДИЙГ НИЙГМИЙН ДААТГАЛЫН САЙН ДУРЫН ДААТГАЛД ХАМРУУЛЖ ЭХЭЛЛЭЭ

Нийгмийн хамгааллын үйлчилгээний төвийн Нийгмийн даатгалын алба нь БНСУ-д амьдарч буй Монгол иргэдээ Нийгмийн даатгалын Сайн дурын даатгалд хамруулж эхэллээ.

SDD.jpg

 

Энэ нь гадаад улсад Сайн дурын даатгалыг анх удаа хэрэгжүүлж байгаагаараа онцлог юм.
Гадаад улсад ажиллаж, амьдарч байгаа Монгод иргэд өөрийн орны Нийгмийн даатгалд даатгуулахад гэр бүлийнхээ аль нэг гишүүнээр дамжуулан бүртгүүлэх, шимтгэлээ төлөхдөө гадаадаас шилжүүлэх, эсвэл гэр бүл рүүгээ мөнгөө шилжүүлэн төлүүлэх зэрэг хүндрэлтэй байдаг билээ.


Харин Солонгос улсад ажиллаж, амьдарч байгаа иргэдийн хувьд өөрийн орны Нийгмийн даатгалын сайн дурын даатгалд даатгуулан шимтгэлээ шууд төлөх сайхан боломж гарч байгаа юм. Иргэд өөрсдөө даатгуулахаас гадна Монгол улсад амьдарч байгаа хувиараа хөдөлмөр эрхэлдэг гэрийн бүлийн гишүүдээ ч даатгуулах боломжтой юм. 
Иргэн Та нийгмийн даатгалд даатгуулснаар өндөр наслах, хөдөлмөрийн чадвараа алдах, ажилгүй болох, өвчлөх, үйлдвэрийн осолд өртөх зэрэг урьдчилан таах боломжгүй эрсдэлийн улмаас орлого олох чадвар буурах, орлогогүй болох үедээ хуульд заасан болзол нөхцөлийг хангасан бол тэтгэвэр, тэтгэмж, төлбөр авах эрхтэй болно. Тэрчлэн даатгуулагч өөрөө нас барсан тохиолдолд түүний асрамжид байсан хүмүүст хуульд заасан тэтгэвэр тогтоож олгоно.
2007 оны 3 дугаар сараас одоог хүртэл БНСУ-д амьдарч буй Монгол иргэд Монгол улсын зөвхөн Тэтгэврийн даатгалд хамрагдаж байсан бол нийгмийн даатгалын Сайн дурын даатгалд даатгуулсанаар нийгмийн даатгалын дараах

төрөлд хамрагдана.

Үүнд: 
1. Тэтгэврийн даатгал
2. Тэтгэмжийн даатгал
3. Үйлдвэрлэлийн осол мэргэжлээс шалтгаалсан өвчний даатгал

Сайн дурын даатгалд хамрагдсанаар:
Өндөр насны, тахир дутуугийн, тэжээгчээ алдсаны тэтгэвэр
Хөдөлмөрийн чадвар түр алдсаны тэтгэмж 
Жирэмсэний болон амаржсаны тэтгэмж
Оршуулгын тэтгэмж
Хөдөлмөрийн чадварыг нөхөн сэргээхтэй холбогдсон төлбөр
Сувилалын зардал
гэх мэт тэтгэвэр, тэтгэмжийг авах боломжтой болох юм. 

Сайн дурын даатгалд БНСУ-д хуанлийн 30 хоногоос дээш хугацаагаар оршин сууж буй дараах иргэд хамрагдана.

Үүнд: 
Суралцагсад;
Түр болон удаан хугацаагаар зорчин очигсод; 
БНСУ-ын аж ахуйн нэгж, байгууллагад хөдөлмөрийн гэрээнээс бусад визээр ажиллагсад;
Бусад 

Сайн дурын даатгуулагч өөрийн мэдүүлсэн хөдөлмөрийн хөлс, түүнтэй адилтгах орлогоос 12% буюу дараах хувь хэмжээгээр шимтгэл төлнө.
Тэтгэврийн даатгалд 10%
Тэтгэмжийн даатгалд 1%
Үйлдвэрлэлийн осол мэргэжлээс шалтгаалсан өвчний даатгалд 1%

Та Сайн дурын даатгалд хамрагдан, гэрээ байгуулахдаа манай төв дээр биеэр ирэх шаардлагатай бөгөөд дараах зүйлүүдийг анхаарна уу.

Нийгмийн даатгалын төрөл Сайн дурын даатгал
Шаардлагатай бичиг баримт: 
1.Монгол Улсын гадаад паспорт, Гадаад иргэний үнэмлэхийн аль нэг
2.Нийгмийн даатгалын дэвтрийн хуулбар (шаардлагатай тохиолдолд)
Төлөх шимтгэлийн дүн: 
Доод хэмжээ: 40000 вон
Дээд хэмжээ: Тухайн үед мөрдөж байгаа хөдөлмөрийн хөлсний доод хэмжээг (2013.09.01-нээс 192000 төг) 10 дахин нэмэгдүүлсэн дүнгийн 12%-иас хэтрэхгүй байх. Вонд шилжүүлэн тооцно.
Шимтгэл төлөх хугацаа: Гэрээнд заасан ( Сар бүр / Улирал, хагас жилийн эхний сард ) хугацаанд төлнө.
Гэрээ байгуулахдаа 1 сараас доошгүй хугацаанд ногдох шимтгэлийг бэлэн бусаар төлнө.
Алданги тооцох эсэх: Хугацаа хэтрүүлсэн хоног тутам 0.3%
Шимтгэл төлөх арга: Даатгалын гэрээ, гэрчилгээнд заасан БНСУ-ын холбогдох банкны дансанд төлнө.
Даатгалын гэрээ сунгах: Гэрээ сунгах хүсэлтээ гэрээний хугацаа дуусахаас өмнө НХҮТ-ийн НДА-нд гаргана.
Монгол улсад ажилласан жилд тооцогдох эсэх: Тооцогдоно.
Нийгмийн даатгалын дэвтэрээ хаана баталгаажуулах: Монгол Улсад НДЕГ 
Төлсөн шимтгэлийг тооцож, Нийгмийн даатгалын дэвтэрийг баталгаажуулах: Воноор төлсөн шимтгэлийг тухайн сарын эхний 7 хоногийн Даваа гарагийн Монгол банкны ханшаар тооцон төгрөгт шилжүүлэн Нийгмийн даатгалын дэвтэрт бичилт хийж баталгаажуулна.
БНСУ-ын ижил төстэй даатгалуудаас чөлөөлөгдөх эсэх: БНСУ-ын зөвхөн Тэтгэврийн даатгалаас /국민연금/ чөлөөлөгдөнө. НХҮТ-ийн НДА-наас олгосон Гэрчилгээг ажил олгогчид өгнө.

Иргэн Та Нийгмийн даатгалд даатгуулаагүй эсвэл Монгол улс руу гэр бүлээрээ дамжуулан Нийгмийн даатгалын Сайн дурын даатгалд даатгуулж байгаа бол, цаг зав, зардалаа хэмнэж, манай төвд хандан үргэлжлүүлэн даатгуулаарай. 
Та бүхэн манай төвд хандаж дэлгэрэнгүй мэдээлэл, зөвлөгөө авна уу.

 

Хаяг: Сөүл хотын Жүнггү дүүрэгт байрладаг ба метроны Тундэмүн ёгса Мүнхва кунвон буудал буюу Dongdaemun History and Culture Station-ны 4-р гарц, замын эсрэг талд White Horse барилгын 9 давхарт байрлаж байна. 

 

SDD.jpg

 

tov hayg.jpg

 

БНСУ ДАХЬ “НИЙГМИЙН ХАМГААЛЛЫН ҮЙЛЧИЛГЭЭНИЙ ТӨВ”
НИЙГМИЙН ДААТГАЛЫН АЛБА
02-2278-8030, 02-2278-8034

Дугаар Гарчиг Нэр Date Уншсан
96 Солонгост дахин MERS вирусын халдвар гарчээ МИX 2015.10.14 5876
95 2050 он гэхэд бензинээр явдаг машин унахаа болино МИX 2015.11.06 5868
94 КИМЧИ ЦУСНЫ ДАРАЛТЫГ ИХЭСГЭДЭГГҮЙ file МИX 2017.06.21 5828
93 Ж.Довчинсүрэн: Төр засаг амжилт гаргасан үсчин, гоо сайханчдаа шоовдорлож байна МИX 2016.04.11 5824
92 СӨҮЛ БАЛЛИСТИК ПУУЖИНД ЯМАР Ч ЖИНТЭЙ ЦӨМИЙН ЦЭНЭГТ ХОШУУ СУУРИЛУУЛАХ БОЛОМЖТОЙ БОЛЛОО МИX 2017.11.08 5813
91 сэрэмжлүүлэг "Тэгбэ ажил". file МИX 2017.11.13 5803
90 ӨНӨӨДӨР ХОЁР СОЛОНГОСЫН ХАГАЦСАН ГЭР БҮЛҮҮД УУЛЗАЛДАНА МИX 2015.10.20 5797
89 Монгол иргэн “Korean Air” компанийг БНСУ-ын Шударга өрсөлдөөнийг дэмжих хороонд шалгуулна МИX 2015.10.23 5776
88 Парис хотноо 4 сарын 30-д “Бүтээлч үйлдвэрлэлийн хөгжил” МИX 2016.04.08 5767
87 “Чингис хаан” одонг хүртсэн эрхмүүд МИX 2015.11.12 5717
86 БНСУ-ын иргэн амиа хорлосон хэрэг гарчээ МИX 2016.04.26 5694
85 БНСУ-ЫН ЕРӨНХИЙЛӨГЧ ПАК ГЫН ХЭ МОНГОЛ УЛСАД АЛБАН ЁСНЫ АЙЛЧЛАЛ ХИЙНЭ file МИX 2016.07.05 5643
84 Хуваагдсан гэр бүлүүдийг уулзуулахад бэлэн болжээ МИX 2015.10.19 5630
83 Японд "Galaxy Note 7” дэлбэрчээ МИX 2016.10.23 5597
82 Шуудангийн илгээмж гаалийн татваргүй боллоо file МИX 2015.01.18 5535
81 Сонсголын бэрхшээлтэй жолоочийг цагдаа буудан хөнөөснийг мөрдөн шалгаж байна МИX 2016.08.25 5503
80 Хятад цэргээ Тажикстан руу оруулж зарим нутгийг нь эзэллээ МИX 2016.05.16 5500
79 Пак Гын Хэ-гээс энэ сард багтаан мэдүүлэг авч магадгүй file МИX 2016.11.07 5499
78 Гадаад иргэдийн бизнесийн сургууль МИX 2016.08.10 5496
77 Солонгост дэгдээд буй дуулиан шуугиантай холбоотойгоор дахин нэг хүнийг баривчилжээ file МИX 2016.11.09 5485