Хурлын төлөөлөгч 77 иргэн оргон зугтжээ
2014.09.29 17:53
Өнгөрсөн долдугаар сард Солонгос улсын Пусан хотноо Дэлхийн олон шашны төлөөлөгчдийн энх тайванч уулзалт зохион байгуулагдсан байна. Энэхүү хуралд олон орны шашны төлөөлөгчид ирээд буцсан бол Энэтхэг улсын Католик шашны итгэгч, тэргүүлэгчид хэмээн 84 хүнтэй баг төлөөлөгчид ирснээс 77 нь хурлын үйл ажиллагааг таслан ор сураггүй алга болсон тухай өнөөдөр Солонгос улсын Цагаачлалын албанаас мэдээлж, эдгээр иргэдийг эх орон даяар эрэн сурвалжлах ажлыг эхлүүлжээ.
Мөн Католик шашинд итгэгчид хэмээн мэдүүлэн Солонгос улсад нэвтрэх визээ авсан Энэтхэг иргэд нь бүгд өөрсдийн Хинди шашинд итгэгчид байсан төдийгүй Солонгос улсад ажил хийж мөнгө олохоор, брокеруудаар дамжуулан визээ гаргуулсан болох нь батлагджээ. Одоогоор Пусан хотын ойролцоох үйлдвэрт ажил хийж байсан таван Энэтхэг иргэнийг эх оронд нь буцаагаад байгаа бол үлдсэн 72 Энэтхэг иргэдийг хайж олон, эх оронд нь буцаах ажлыг эрчимтэй эхлүүлсэн байна.