Солонгос Солонгосын 210.000 хүүхдийн эцэг, эх сард олгогдох 100.000 воны тэтгэмжээс татгалзжээ
2018.09.10 15:43
Өмнөд Солонгосын Засгийн газар энэ жилээс эхлэн тус улсын 6 нас хүртэлх хүүхдэд сар бүр 100.000 вон буюу монгол мөнгөөр 210.000 төгрөгийн тэтгэмж олгох шийдвэр гаргасан билээ.
Тэтгэмжийг өрхийн орлогоос үл хамааран хүүхэд тус бүрт олгох ба бүртгэлийн хугацаа энэ сарын 12-ны өдөр дуусч, 10-р сарын 1-нээс эхлэн мөнгө олгогдох юм байна.
Өнөөгийн байдлаар 6 нас хүртэлх насны 2.220.000 хүүхэд ирэх сараас эхлэн сар бүр 100.000 воны тэтгэмжийг авч эхлэх бол үлдсэн 210.000 хүүхдийн эцэг, эх тэтгэмжийн мөнгөнөөс татгалзжээ.
Хүүхдийн мөнгөнөөс татгалзах шалтгааны дийлэнх нь тэд тэтгэмжийн мөнгө авахын тулд бүрдүүлсэн өрхийн орлогын мэдүүлэг болон бусад хувийн мэдүүлгийг ил тод болгох хүсэлгүй байгаатай холбоотой юм байна.
Дэлхийд өндөр хөгжилтэй 35 орны 31 нь сар бүр хүүхэд тус бүрт тодорхой хэмжээний мөнгийг тэтгэмж болгон олгодог ба Өмнөд Солонгос улсын хувьд анх удаа хэрэгжүүлэх гэж байгаа ажээ.
