Таван цэргийн амийг хөнөөсөн Солонгос түрүүч баригдлаа
2014.06.27 13:57
Сая Ёнхап агентлагаас авсан мэдээгээр эсэргүүцэн буудалцаж байсан цэрэг амиа хорлох гэж оролдсоны дараа баривчлагджээ.Тэр шанаандаа буудаж шархдсан байдалтай орон нутгийн эмнэлэгт хүргэгдсэн байна.
Бямба гарагт Өмнөд Солонгосын армийн түрүүч өөрийн таван цэргийн амийг хөнөөж бусад долоон албан хаагчийг шархдуулаад байна.
Уг албан хаагч одоо эсэргүүцэн гал нээсээр байгаа бөгөөд Ням гарагт нэмж нэг цэрэг шархджээ.
Армийн удирдлага түүнийг бууж өгөхийг ятгасаар байна. Үйл явдлын өрнөж байгаа газар болох Гангвон нь Хойд Солонгостой хиллэдэг бүсэд оршдог.
Цэргийн эцэг эх мөн хэргийн газар дээр очин бууж өгөхийг ятгаж байгаа гэнэ.
Одоогоор энэ хэрэгт Хойд Солонгосын тал оролцсон гэсэн нотолгоо олдоогүй байна.
Түрүүч Лим нь 2013 оны дөрвөн сараас амиа хорлох эрсдэлтэй гэсэн ангилалд орж чухал цэгүүдэд харуулын үүрэг гүйцэтгүүлдэггүй байжээ. Харин 2013 оны 11 сараас түүний сэтгэлзүйн нөхцөл байдал сайжирсанд тооцон энэ ангиллаас гаргасан гэнэ.
Өмнөд Солонгост 18-38 насны эрчүүд заавал цэргийн алба хаах үүрэгтэй байдаг. Алба хаах хугацаа дээд тал нь хоёр жил байдаг гэнэ.
