Солонгос Татвараас зайлсхийсэн тухай мэдээлэл өгвөл тухайн мөнгөн дүнгийн 15%-иар урамшуулна
2015.10.01 10:39
Солонгос улсын Татварын Ерөнхий газар аж ахуйн нэгжүүдийн татвараас зайлсхийсэн тухай мэдээллийг иргэдээс худалдан авч 100-н сая хүртэлх воноор урамшуулдаг байсан ажээ.
Гэвч 2013 оноос эхлэн урамшууллын хэмжээг 10 дахин өсгөж нэг тэрбум вон болгосноор өнгөрсөн онд дээрх төрлийн мэдээлэл өгөх иргэдийн тоо болон нуун дарагдуулсан орлогод тооцох татварын хэмжээ хоёр дахин өссөн байна.
Өнгөрсөн онд иргэдийн өгсөн 90-н мянган мэдээллийн урамшуулалд найман тэрбум 700-н сая воны урамшуулал олгосон ба ТЕГ цаашид мэдээлэл өгсөн иргэдэд, нуун дарагдуулсан орлогод тооцон хурааж авсан мөнгөн дүнгийн 15 хүртэлх хувиар шагнаж урамшуулах болжээ.
“ Өгсөн мэдээлэлдээ хоёр тэрбум вонбы урамшуулал авах хүн цөөхөн байх ч энэхүү ажлын үр дүнгээр нуун дарагдуулсан орлого иргэдийн тусламжтайгаар ил болж, зохих татварыг нөхөн тооцох боломжтой болж байна” гэж Солонгосын ТЕГ-аас мэдээлэллээ.