Солонгос Чежү аралд аялалаар ирсэн 59-н жуулчин зугатаажээ
2016.01.18 19:12
Солонгос улсын Чежү аралд аялалаар ирсэн Вьетнам улсын 59-н жуулчин буудлаа орхин зугатаасан хэрэг гарчээ.
Тэдгээр иргэд өнгөрсөн 13-ны өдөр Чежү аралд Ханой хотоос ирсэн 155-н жуулчин бүхий шууд нислэгийн онгоцоор хүрэлцэен очсон ба зочид буудалд буусны ердөө маргааш нь буудлаа хаяж зугатаасан байна.
Зочид буудлаа зөвшөөрөлгүй орхиж явсан тэдгээр 59-н Вьетнам иргэдийн 28-ийг өөр бусад зочид буудал болон хөдөө байрлах үйлдвэрүүдээс саатуулсан үлдсэн 31-н иргэнийг эрэн сурвалжлах ажил үргэлжилж байгаа ажээ.
Чежү арал нь аялал жуулчлалын олон улсын бүс нутаг болох, олон тооны гадаадын жуулчдыг татах зорилгоор 2002 онд дэлхийн бүх улс орны иргэдэд 14 хоног визгүй зорчих боломж олгосон юм. Гэвч энэхүү байдлыг зарим улсын иргэд ашиглан, хууль бус замаар Солонгосын эх газарт очих зам болгон сонгох, Чежү аралд хууль бусаар ажиллаж амьдрах зорилгоор ашигласаар байгаа юм байна
