Өмнөд Солонгос улсад осолдож 300 гаруй хүний амь насыг хохироосон Севол усан онгоцны жинхэнэ эзний охин болох Ю Сом На гэх эмэгтэй өнөөдөр эх орондоо албадан хүргэгджээ.
Тэрээр Франц улсад өндөр үнэтэй өмгөөлөгч хөлслөн авч гадуур байцаагдаж байсан бөгөөд эх орондоо буцахгүй хэмээн мэдэгдэж байсан юм байна.
Гэвч Франц улсын дээд шүүхээс түүнийг албадан буцаах шийдвэр гаргасны дагуу тэрээр өнөөдөр ийнхүү эх орондоо хүргэгджээ.
Ю Сом На-гийн аав нь Севол усан онгоц харъяалагддаг байсан ачаа тээврийн группийн жинхэнэ эзэн бөгөөд тэрээр уг группэд зөвлөлгөө өгөх нэрээр, охин компаниудаас нь 49 тэрбум 200 сая вон завшсан хэрэгт сэжиглэгдэж байсан юм.
Түүнийг Инчон хотын нисэх онгоцны буудалд буусан даруй Өмнөд Солонгос улсын цагдаагийн газраас баривчилсан ажээ.
