Өмнөд Солонгосын “Sewol” хөлгийг эзэмшигч “Чонхэжин Марин” компанийн Ерөнхийлөгч Ю Бен Ын-ий том хүү Ю Дэ Гюн-ийг Сөүл хотоос 300 км цаана орших Юнгин дүүрэг дэх нэгэн нийтийн байрнаас баривчилсан тухай “Yonhapnews.co.kr” мэдээллээ. Тэрбээр баригдах үедээ хувийн бие хамгаалагч Ким гэх бүсгүйтэй байжээ. “Sewol” хөлөг осолдсоны дараа тэрбээр ор сураггүй алга болсон юм.

5

Ю Дэ Гюн баригдсаныхаа дараа хэвлэлийнхэнд “Би “Sewol” хөлгийн осолтой ямар ч холбоогүй. Хөлөг осолдож олон зуун хүн амиа алдсан гэдгийг сонссоны дараа аав минь намайг зугтаахыг шаардсан. Би юу ч ойлгоогүй. Юнгин дүүрэгт нууцаар ирсний дараа гэр бүлийнхнээсээ холбоо тасарсан” хэмээж “Надад хэцүү байна. Та бүхнээс л аавыгаа амиа алдсан гэдгийг мэдлээ” гэж хариулжээ.

5

Сөүл хотын цагдаагийн даргын мэдэгдсэнээр “Ю Дэ Гюнд аавынх нь байгуулсан “Чонхэжин Марин” компани болон түүний охин компаниудаас хууль бусаар хэрэглэсэн 10 тэрбум орчим  вон,  “Sewol” хөлөгт харъяалагддаг ачаа, тээврийн  “Жонгхэ Хэүн” компанийн ашиг орлогыг нуусан хэрэгт эрүү үүсгэнэ” гэв.

5

Мөн Ю Бен Ын-ий үхлийн шалтгааныг өнөөг хүртэл илрүүлж чадаагүйгээс болж Шүүх эмнэлгийн дарга Сео Жонг Сеок болон Инчон хотын цагдаагийн дарга Хан Си Жүнийг ажлаас нь халжээ.

 5

Б.Дэлгэрцэцэг