Солонгос БНСУ -Хорт хавдрын 70%-ийг нь эмчилнэ
2019.01.02 12:11
БНСУ-ын дундаж наслалт /82/ уртсах тусам өвчлөлт үүсэх шалтгаан өөрчлөгдсөөр байна. Энэ чигээрээ байвал 3 хүн тутмын 1 нь ямар нэгэн байдлаар хорт хавдраар өвчлөх магадлал харагдаж байгаа ба шинжлэх ухаан хөгжихийн хирээр эмнэлэгийн нарийн мэргэжил хурдацтай дээшилж 10 хүн тутмын 7-г нь эмчлэх боломжтой гэж үзэж байгаа юм байна.
Хорт хавдраар оношлогдон эмчлүүлсэн, эмчлүүлж байгаа 1,7 сая өвчтөн байсан бөгөөд улаан хоолойн хорт хавдар 22% буюу хамгийн их, ходоодны хавдар, бүдүүн гэдэсний хавдарууд удаах байруудад бүртгэгджээ. Сүүлийн 5 жилийн байдлаар эмчилгээний үр дүн 70% болсон нь 10 жилийн өмнөхийг бодвол 1,3 дахин өссөн үзүүлэлт юм байна. Харамсалтай нь эрт үед нь оношлоход хэцүү байдаг уушигний болон нойр булчирхайн хавдрын эмчилгээний үр дүн 30 хүрэхгүй хувьтай байна.
БНСУ-ын эрүүл мэндийн салбар хорт хавдрыг эрт үед нь оношлох, эмчилгээнд орсон өвчтөн тэдний гэр бүлд туслах зорилго тавин ажиллаж байгаа юм байна.
