Солонгос Газын үнийг нэмэгдүүлнэ
2015.09.03 14:46
Солонгос улсын Засгийн газар энэ онд багтааж нийтийн хэрэглээний газны үнийг нэмэхээр болжээ.
Тус улс газны үнийг энэ оны 1-р сард 5.9%, 3-р сард 10.1%, 5-р сард 10.3%-иар тус тус бууруулж байсан бол энэ удаа дунджаар 9%-иар нэмэхээр хэлэлцэж байна.
"Манай улсын шатахуун, байгалийн хий болох газны үнэ, дэлхийн зах зээл дээрх газрыб тосны үнийн өөрчлөлтөөс шууд хамаардаг. Өнгөрсөн жилийн эхний хагас жилд нэг баррель газрын тосны үнэ 100-н доллар байсан бол сүүлийн хагас жилд 45.7 доллар болтлоо буурсан. Үүнтэй холбогдуулан газны үнийг бууруулж байсан ч газрын тосны үнэ энэ оны сүүлийн хагас жилд дахин өсч 60.8 доллар болсон тул үнийг нэмэхээс өөр аргагүй байдалд хүрлээ. Ялангуяа иргэд, аж ахуйн нэгжүүд ашигласан газны төлбөрөө төлөөгүйгээс болж 3400-н тэрбум воны өр хуримтлагдаад байгаа нь үнийг өсгөхөөс өөр аргагүй байдалд хүргэлээ" гэж Солонгос улсын Засгийн газраас мэдээлэлсэн байна.
