Асашёорюү солонгосчуудыг “FUCK Korea” гэв
2014.09.30 18:33
Өмнөд Солонгосын Инчён дахь Азийн наадмын боксын тэмцээний үеэр Монголын гавьяат тамирчин Н.Төгсцогт илт ялалт байгуулахаар тоглосон атал өрсөлдөгч эзэн орны тамирчинд ялалт өгсөн нь монголчуудын уур бухимдлыг эрхгүй төрүүлээд байна.
Гурван үеийн турш өрсөлдөгчөө илт илүүрхэн тоглосон Н.Төгсцогтыг ялагдсанд тооцсонд мэргэжлийн сумогийн ёкозүна Асашёорюү Д.Дагвадорж илт эгдүүцэж, “Монголчууд AIBA-д нөлөөтэй болохгүй бол ялахгүй юм байна!!! Луйвар улаан цагаандаа гарч!!! Fuck Korea. Хийлээ дарлаа гээд 2-1!!! Монгол ялах ёстой!” гэж твиттертээ жиргэлээ.
Булхайтай шүүлтийн дараагаар Азийн наадамд Монголын баг тамирчдаа ахалж очсон УИХ-ын гишүүн, дархан аварга Б.Бат-Эрдэнэ эсэргүүцлийн албан бичиг Олон Улсын Боксын Холбоонд өгч, улмаар шүүлтийг дахин хянаж үзэхээр болоод байна.
Инчёний Азийн наадмын үеэр Монголын баг тамирчдыг эзэн орныхон ээлж дараалан доромжилж, булхайдаж буйн ээлжит нэг жишээ энэ болсон. Өмнө нь жүдогийн багийн барилдааны өмнөхөн манай баг тамирчдын хоолонд эмэгтэй хүний бохир ариун цэврийн хэрэглэл хийж, спортын түүхэнд байгаагүйгээр доромжилсон юм. Харин дараа нь боксчин Түвшинбатын илт ялалтыг мөн луйвардсан. Энэ удаагийн Азийн наадамд Өмнөд Солонгосчуудын увайгүй луйвар, доромжлол дэндсээр байна.
М.Мөнхжин
http://www.grandnews.mn/content/read/52335.htm