"Пёнчан 2018" БНСУ-ын Пёнчан хотноо 2018 оны хоёрдугаар сарын 9-25-ны өдрүүдэд болно.
2017.11.13 16:40
Өвлийн олимпийн XXIII наадам буюу "Пёнчан 2018" БНСУ-ын Пёнчан хотноо 2018 оны хоёрдугаар сарын 9-25-ны өдрүүдэд болно.
Тус наадмын нээлтийн ёслолын ажиллагаа Пёнчаны Олимпийн цэнгэлдэх хүрээлэнд 2018 оны хоёрдугаар сарын 9-ний өдрийн 20:00-21:50 цагт болох бөгөөд нээлтийн тасалбарыг суудлын байршлаас хамаараад 220 мянгаас 1,5 сая воны /өнөөдрийн ханшаар 484 мянгаас-3,3 сая төгрөгийн/ үнэтэйгээр худалдаалж байна.
Тухайлбал,
- урдуур буюу А зэрэглэлийн суудал 1,5 сая воны /3,3 сая төгрөг/ үнэтэй байгаа бол
- түүний араар байрлах B зэрэглэлийнх 800 мянган вон /1'760'000 төгрөг/,
- С зэрэглэлийнх 600 мянган вон /1'320'000 төгрөг/
- D зэрэглэлийнх 220 мянган вон /484 мянган төгрөг/
Суудлын зэрэглэл
Тэмцээн үзэх тасалбарын үнэ 20 мянган воноос /44 мянган төгрөг/ эхэлж байгаа ба үзэгчдийн хамгийн их сонирхлыг татдаг уран гулгалтын тэмцээнийг үзэх тасалбар 550-800 мянган воны /1'210'000 төгрөг/ үнэтэй, хоккейн алтан медалийн төлөөх тэмцээнийг тасалбар 900 мянган воны /1'980'000 төгрөг/ үнэтэйгээр үзэх боломжтой юм байна.
Харин хаалтын ёслолын ажиллагаа 2018 оны хоёрдугаар сарын 25-ны өдрийн 20:00-22:00 цагт 950 мянган вон /өнөөдрийн ханшаар төгрөг/, бөгөөд дээд тал нь нэг хүн дөрвөн тасалбар авах боломжтой. Бусад зэрэглэлийн суудлууд 220 мянгаас /484 мянган төгрөгөөс/ 600 мянган воны /1'320'000 төгрөг/ үнэтэй.
Тасалбарын талаарх мэдээллийг энд дарж авах боломжтой.