Ирэх есдүгээр сарын 19-нөөс аравдугаар сарын 4-ны хооронд БСНУ-ын Инчеон хотод Азийн XVII наадам болно. Энэ удаа шар тивийн 45 орны 8000 гаруй тамирчид 36 спортын төрөлд 437 багц медалийн төлөө өрслөдөнө. Солонгосчууд өдгөөгөөс найман жилийн өмнө буюу 2006 оны Дохагийн Азийн наадмын үеэр нэрээ дэвшүүлж 2007 дөрвөрдүгээр сарын 7-нд эрхээ авчээ. Шалгаруулалтын сүүлийн шатанд Энэтхэгийн Дели хоттой тунан үлдэж Инчеон 32, Дели 13 санал авч 19 саналын илүүтэй ялалт байгуулжээ. БНСУ өмнө нь 1986 онд Сөүл, 2002 онд Бусан хотод тивийн Олимпийг зохион байгуулсан туршлагатай орон аж.

Хүн төрөлхтнийг нэгтэж, энх тайванаар оршин тогтнохын билэгдэл болсон спортын наадмын эхлэлийг зуны Олимп тавьсан. 1896 онд орчин үеийн Олимпийн хөдөлгөөн хөшгөө нээсэн бол Ази тив өөрсдийн наадмыг 1950 онд анх зохион байгуулжээ. Тэр цагаас хойш манай тивийн 45 улс 16 удаа Азийн наадмыг явуулж өдгөө 17 дахь Өмнөд Солонгос улсад болох гэж байна.

1950 оноос хойш болсон наадмуудад БНХАУ 1191 алт, 792 мөнгө, 570 хүрэл нийт 2553 медальтай бүх улсыг тэргүүлж байгаа бол Япон 910 алт 904 мөнгө, 836 хүрэл нийт 2650 медальтай удаалдаг. Харин медаль хүртсэн орнуудаас Афганистан, Йемен, Палестин, Непал, Камбож, Бруней, Лаос гэсэн долоон улс алтан медаль авч амжаагүй юм байна. Мөн Азид оршдог Малдив, Бутан гэсэн хоёр улс одоогийн байдлаар тивийнхээ наадмаас медаль хүртээгүй аж.

Азийн наадмаас медаль хүртсэн орнууд