Данийн цагдаа нар Чой Сун-силийн охиныг баривчилжээ
2017.01.02 15:19
СӨҮЛ./Reuters/. БНСУ-ын Ерөнхийлөгч Пак Гын Хэгийн дотны найз Чой Сун-силийн охиныг Данийн цагдаа нар баривчиллаа гэж Өмнөд Солонгосын “JTBC” телевиз мэдээлэв.
Чой Сун-силь нь Пак Гын Хэгийн эргэн тойронд үүсээд буй дуулиан шуугианы гол эзэн юм.
Чой Сун-силийн охин Чунг Ю-ра нь энэ дуулианд хэрэгтэй холбоотой учраас Өмнөд Солонгосын эрх баригчид түүнийг эрэн сурвалжилж байсан билээ. Энэ дуулианы улмаас БНСУ-ын Ерөнхийлөгч Пак Гын Хэг өнгөрсөн сард албан тушаалаас нь түдгэлзүүлсэн юм.
Чунг Ю-раг баривчилсан талаар эрх баригчид одоогоор мэдээлэл хийгээгүй байна.
Д.Нямтулга