Солонгос БНСУ-д аяллын визээр ирээд хууль бус оршин суугч болсон 180 иргэнийг илрүүллээ
2018.11.08 15:53
БНСУ-ын Чүнбүг аймгийн Имсон тосгон болон Чиньчон сумын нутаг дэвсгэрээс хууль бус оршин суугчдыг олноор нь илрүүлсэн байна. Иргэний бүртгэл мэдээллийн газар болон гадаадын иргэн, харьяатын газар өнгөрсөн 9-р сараас 10-р сарыг дуустал 2 сарын хугацаанд Чүнбүг аймгийн Имсон тосгон болон Чиньчон сумын бүс нутаг дахь хууль бус оршин суугчдын шалгасны үр дүнд 170 хууль бус оршин суугчдыг илрүүлж, эдгээр хүмүүст ажил зуучилдаг байсан хөдөлмөрийн биржийн 4 төлөөлөгчийг гадаадын иргэн харьяатын тухай хуулийг зөрчсөн хэргээр шалгаж байгаа хэмээн энэ сарын 5-ны өдөр мэдээлжээ.
Тодруулбал өнгөрсөн сарын 23-ны өдөр Чүнбүг аймгийн Имсон тосгоны хөдөлмөрийн бирж 80 гаруй хууль бус оршин суугчдыг ажилд зуучилсан нь шалгалтын явцад илэрсэн байна. Энэ удаад Тайландын 100 иргэн, Малайзын 30 иргэн, Индонезын 20 иргэнийг хууль бусаар оршин сууж байсныг илрүүлсэн бөгөөд эдгээр хүмүүсийн ихэнх нь Солонгос Улсад аяллын визээр ирсэн байна.
Гадаадын иргэн харьяатын газрын холбогдох хүмүүс “Зарим нэг хөдөлмөрийн бирж болон брокер компаниуд нь хууль бус ажил зуучлалын үйл ажиллагааг эрхэлж байгаа бөгөөд гадаадын иргэдэд хууль бусаар ажил зуучилсан хөдөлмөрийн биржүүдэд эрүүгийн хариуцлага хүлээлгэж, холбогдох орон нутгийн удирдах байгууллагад мэдэгдэн үйл ажиллагааг нь зогсоох зэрэг арга хэмжээ авахаар төлөвлөж байна” хэмээн мэдээлжээ
http://www.newsis.com/view/?id=NISX20181105_0000463406&cID=10802&pID=14000
