메뉴 건너뛰기


Өмнөд Солонгосын телевизээр шоу нэвтрүүлэг хөтөлдөг алдартныг хар тамхины хэрэгт холбогдуулан өчигдөр баривчилжээ.

Одоо 58 настай Роберт Хали нь АНУ-ын иргэншлээсээ татгалзаж, Өмнөд Солонгост суурьшсан хүн юм. Түүнийг онлайн сүлжээгээр метамфетамин төрлийн мансууруулах бодис худалдан авч, хэрэглэдэг байсныг цагдаа нар илрүүлж, Даваа гарагт баривчилж байцаажээ.


 
Мөн сэжигтнээс шээс, үсний дээж авч, шүүх эмнэлгийн лабораторид шинжлүүлэхээр илгээснийг цагдаа нар мэдээлсэн байна. Хали 1978 онд анх загалмайн шашны номлогчоор Өмнөд Солонгост ирж байжээ. Дараа нь тэр АНУ-д хуулийн сургууль төгсөөд 1986 онд эргэн ирж, солонгос эмэгтэйтэй гэрлэсэн байна.

1996 онд Хали Гванжуд олон улсын сургууль байгуулж, Өмнөд Солонгосын иргэн болсон бөгөөд Ха Ил хэмээх солонгос нэртэй болжээ.

Тэрээр Бусан аялгатай солонгос хэлээр чөлөөтэй ярьдаг нь телевизийн хөтлөгч болж, алдаршихад нөлөөлсөн байна.

Өмнөд Солонгосын цагдаа сүүлийн өдрүүдэд хар тамхи борлуулдаг нууц сүлжээг илрүүлж, хэд хэдэн алдартныг шалгаж эхлээд байгаа юм.

Өнгөрсөн долоо хоногт тэд тус улсын хоёр том хөрөнгөтний үр ачийг баривчлан шалгаж эхэлжээ. Тэдний нэг SK группын үүсгэн байгуулагчийн ач хүү 30 настай Чэй Юн Гюн байсан бол нөгөө нь Hyundai группын үүсгэн байгуулагчийн ач хүү 28 настай Чун Жу Юн байлаа.

Тэднийг онлайн сүлжээгээр удаа дараа марихуана төрлийн мансууруулах бодис худалдан авч хэрэглэснийг батлаад байна.

Өмнөд Солонгос улсад сүүлийн жилүүдэд хар тамхины хэргийн гаралт огцом нэмэгджээ. 2014 онд тус улсын цагдаагийн байгууллага нийт 162 кг мансууруулах бодис илрүүлж байсан бол 2018 онд 517 кг хүрсэн байна.
ge.jpg




Өмнөд Солонгост нууцаар зарагддаг мансууруулах бодисны 70 орчим хувь нь метамфетамин байдаг бол бусад нь опиум, кокайн, морфин, героин зэрэг бодис байдаг гэнэ.

Тус улсын зах зээлд мансууруулах бодис Азийн бусад орнуудаас харьцангуй өндөр үнэтэй байдаг бол шийтгэл нь харьцангуй зөөлөн байдаг нь хилийн чанадаас хулгайгаар нэвтрүүлэхэд гол түлхэц болдог гэнэ. Жишээ нь нэг грамм метамфетамин энд $285 хүрдэг бол Хятадад $59, Сингапурт $117 орчим үнэтэй байдаг гэнэ.

Гэтэл шийтгэл нь тав хүртэл жил шоронд хоригдох, эсвэл 50 сая воны ($44,000) торгуультай байдаг ажээ.

 

Эх сурвалж: South China Morning Post
Дугаар Гарчиг Нэр Date Уншсан
296 Өмнөд Солонгост COVID-19 (корона вирус)-ийн халдвар бүхий хүний тоо 556 болов. file МИX 2020.02.24 453
295 БНСУ-н Мүн Жэ Ин ерөнхийлөгч ард түмэнтэйгээ чөлөөтэй ярилцахын тулд 19.11.19-ны оройны 20 цагт "Ард түмэн асууна, file МИX 2019.11.22 532
294 ОХУ-ын байлдааны гурван нисэх онгоц Өмнөд Солонгосын зүүн эрэг дагуу агаарын хилийг зөрчжээ. file МИX 2019.07.23 1550
293 Гадаад оюутны эрүүл мэндийн даатгалын талаар file МИX 2019.06.26 2436
292 УБ- СӨҮЛ- УБ ЧИГЛЭЛД НИСЭХ ТИЙЗ 699.000 ТӨГРӨГ БОЛЖЭЭ file МИX 2019.06.12 7350
291 경찰이 직접 알려주는 진상들로부터 당하지 않는법. file МИX 2019.06.04 1220
290 Солонгосчууд цахилгаан соронзон галт тэргийг Улаанбаатарт явуулах боломжтойг танилцууллаа file МИX 2019.05.24 401
289 Солонгост ажлын дөрвөн өдөртэй долоо хоногийг туршиж эхэлжээ file МИX 2019.05.22 597
288 эрүүл мэндийн даатгал file МИX 2019.05.09 441
» Солонгосын алдартай TV хөтлөгч Роберт Хали хар тамхины хэргээр баривчлагджээ file МИX 2019.04.10 583
286 Cолонгосын өвчинтэй тэмцэх газраас file МИX 2019.04.08 1018
285 Korean Air компанийн ерөнхийлөгч Чо Ян Хо нас баржээ file МИX 2019.04.08 381
284 АНХААРУУЛГА file МИX 2019.04.05 285
283 Бичиг баримтын зөрчилшгүй нь хөдөлгөөнд оролцоорой! file МИX 2019.03.20 699
282 Докто(독도) арлын ойролцоо тэнгисийн гүнд судалгаа хийхээр болжээ. file МИX 2019.03.11 279
281 Өмнөд Солонгос - Америкийн хамтарсан цэргийн сургуулилт хүрээгээ багасгана file МИX 2019.03.04 182
280 Ухаалаг солонгос ээж 200 зорчигч тус бүрт захидал, амттан, чихний бөглөө бүхий уут бэлджээ file МИX 2019.02.27 430
279 Дээд шүүх биеийн хөдөлмөр эрхлэх тэтгэврийн насыг албан ёсоор 60 наснаас 65 нас болгожээ file МИX 2019.02.22 208
278 Улсаа үйлдвэрлэгч орон болгоцгооё file МИX 2019.02.08 338
277 БНСУ гадаадын ажилчдын гэр бүлийн асуудалд анхаарлаа хандуулна file МИX 2019.01.08 430