메뉴 건너뛰기


Солонгосын кино аж үйлдвэрийн ширүүн дайралтын монголчууд хангүг соёлын нөлөөнд автаж байна гэсэн шүүмжлэл байдаг. Гэхдээ савангийн дуурь гэгддэг солонгос сериалууд зөвхөн Монголд ч биш Азид ч хит болдог. Яалт ч үгүй анхаарал татдаг Солонгос драмын баатруудаас хамгийн алдартай нь И Бён Хон буюу бидний сайн мэддэгчлэн Ким Ин Ха. “Амьдралын ээдрээ”-гээр Монголыг байлдан дагуулсан эелдэг зөөлөн жентельмэн энэ эр өдгөө 43 настай. Ингээд Ким Ин Хагийн тэр бүр хүмүүс мэддэггүй амьдрал, амжилтын ертөнцөөр таныг аялуулъя.
Нэр:  И Бён Хон /LEE BYUNG HUN/
Төрсөн он сар өдөр: 1970.7.12
Биеийн өндөр, жин: 177cm, 72кг
Гэр бүл: Ээж, аав, охин дүү И Ын Хи (1996 оны Солонгосын мисс).
Жүжигчин бас дуучин

И Бён Хон нь 1970 онд Сөүлийн дагуул хот Сонгнамд төрж тэндээ бага насаа үджээ. 1991 онд KBS телевизид  жүжигчин болох анхны гараагаа эхэлсэн бөгөөд телевизийн олон драмд туслах дүр бүтээн олны анхаарлыг татаж эхлэв. KBS телевизтэй хийсэн гэрээний хугацаа дуусмагц өөр телевизүүдтэй хамтран ажиллаж, 1995 онд “Намайг хэн галзууруулдаг вэ”, “Run away” кинонд гол дүр бүтээснээр жүжиглэх авьяасаараа Солонгосын драмд нэгэн шинэ од мэндэлсэнийг мэдэгдэв.

Солонгосын энтертайнмент ертөнц бол дан ганц жүжиглэх авьяасаар хол явдаггүй өөр ямар нэгэн  мэргэжил  эс бөгөөс бусдаас содон байж хүлээн зөвшөөрөгддөг өвөрмөц ертөнц. Аргагүй маш олон хүний дундаас цойлж гарах хэрэгтэй болдгоос тэр байх. Энэ жишгийг дагаж  тэрээр дуулах урлагт хүчээ сорин 1999 онд анхны дебют цомгоо гаргасан байдаг. Гэвч энэ нь тийм ч амжилттай болсонгүй. Тиймээс жүжиглэх талдаа бүх анхаарлаа хандуулахаар шийджээ.Тэрээр 1999 онд цэрэгт татагдаж уран бүтээлээ түр хугацаагаар завсарлахаар болов. Түүнийг цэргийн алба хааж байхад аав нь тэнгэрт хальж хугацаанаасаа өмнө буюу ердөө зургаан сарын дараа цэргээс халагдсан байдаг. Бүх нийтээрээ цэргийн алба хаадаг оронд үүнийг аз гэж хэлж болох боловч ааваасаа хагацсан нь түүнд илүү их үүрэг хариуцлагаа ухамсарлах  дохио болсон гэдэг.

Цэргээс халагдсаныхаа дараа Солонгосын алдарт найруулагч Пак Чан Үкийн “JSA” кинонд гол дүрийг бүтээв. Хойд өмнөд Солонгосын хил дээрхи харуулын цэргүүдийн өвөрмөц харилцааг харуулсан уг кино Солонгос байтугай дэлхийн хэмжээнд шуугиан тарьж, тэр хэмжээгээр И Бён Хоны нэр дэлхийн кино сонирхогчдод танил болж байлаа. Тэрээр уг кинонд монголчуудын үзэх дуртай Тэ Жангүм киноны од И Ён Э-тэй хамтарч тоглосон юм.

Ийнхүү амжилтаа эрс ахиулсан тэрээр 2003 онд  “All in” /Монголын телевизээр  “Амьдралын ээдрээ”, “Гурван марал од”  нэртэйгээр гарч байсан/ драмд тоглов. Хөзрийн тоглоомын бүх бооцоогоо тавихад хэрэглэдэг хэллэгээр нэрлэгдсэн уг драм түүний хувьд  бас л амжилт дагуулж бараг нэрийн хуудас нь болсон гэхэд хилсдэхгүй.

Төрөлх нэрнээсээ илүүтэйгээр энэ киноны гол дүр Ким Ин Ха-гийн нэрээр гадаадад алдаршсанаас үүнийг харж болно. Тус драм нь Европ, Америкийн ихэнх орон, Азийн бүх оронд гарч,  ялангуяа Японд жинхэнэ алдар хүнд дагуулсан юм. Мөн 2009 онд Японд ихэнх зургийг нь авсан “Iris” драм нь бас л үзэгчдийн талархлыг хүлээсэн билээ.

Хайр харуусал

И Бён Хон энэ мөчөөс эхлэн Азийн бүсгүйчүүдийн жинхэнэ шүтээн болов. Хувийн амьдрал дээр ч тэрээр үлгэр жишээ эр хүн бөгөөд өөрөө загварыг нь гаргаж бариулсан байшинтай, олон тооны загварын агентлагуудтай хамтарч гаргасан хувцасны загвартай гээд жентельмэн, жинхэнэ эр хүнд байх ёстой бүхэн түүнийх. Энэ бүгдэд ямар ч бүсгүй дурлах биз. Бас дээрээс нь олны танил хүн гэхэд элдэв шуугиан, шар мэдээнд нэр холбогдоод байхгүй.

7777777777
2003 оноос  “All in” драмд цуг тоглосон жүжигчин Сун Хе Гюу ( Song Hye Kyo )-тэй дурлалын романс үүсгэж эхэлсэн тухай хэвлэлээр гарч эхэлсэн. Манай үзэгчид  “Миний байшин”, “Зочид буудлын эзэн” драмд тоглосоноор нь эгдүүтэй хөөрхөн Сун Хе Гюуг сайн таних билээ. Хос хоёр ч үүнийг батлах гэсэн мэт олны дунд ил гарч эхлэв. Гадна, дотны фэнүүдийнх нь үзэж байгаагаар тэр хоёр маш сайхан бүр төгс хосууд бөгөөд одоо зөвхөн хурим хийх л үлдсэн гэгдэж байлаа. Гэвч удалгүй тэдний романс төгссөн юм. Учир шалтгаан нь нөхөрт л гарвал өөрийн бүх карьераа төгсгөх хэрэгтэй болсон  Сун Хе Гюуд байлаа. Харин тэр үүнийг хүсээгүй юм. Энэ мэдээ олны дунд нэлээн шуугиан үүсгэсэн бөгөөд И Бён Хоныг хаягдана чинээ хэн ч төсөөлөөгүй болоод тэр биз.

Ингээд мань хүн бараг найман жил дур булаам гоонь эр хэвээрээ явжээ. Улмаар 2012 оноос залуу жүжигчин И Мин Жонтэй ( Lee Min Jung ) нэр нь холбогдлоо. Гэтэл бас л олныг шуугиулсан мэдээ гарсан нь 2013 оны 1-р сард И Мин Жонтэй хуримаа хийх товоо зарласан явдал юм. Энэ мэдээ олныг гайхшруулсан боловч 43 настай жүжигчин эрийн хувьд тийм ч гайхмаар зүйл биш л дээ.

Япон тэгээд Холливуд

И Бён Хоны хамгийн том фэн клуб Японд байдаг. Түүнийг Японд очиход маш их шуугиан үүсдэг ба фэн бүсгүйчүүд нь бараг галзуурдаг гэж хэлж болно. Тэрээр Японд концерт тоглоно, хоол хийнэ, ток шоунд орно. Хамгийн гайхалтай нь Ин Ха ер нь юу л хийнэ бүгдийг талархан хүлээж авдаг байлаа. 2011 онд Японд болсон аймшигт цунамид өртсөн ард иргэдэд хамгийн түрүүнд тусламж үзүүлэн 700,000 доллар хандивласан байна.  Түүгээр ч барахгүй И Бён Хон нь Японы төв телевиз NHK-ийн 20 цагийн мэдээний шууд эфирт орсон анхны гадаад хүн болжээ. Энэ бүхэн нь түүнийг хилийн чанадад, дэлхийн дэвжээнд гарахад ихээхэн туршлага болж байв. Улмаар Азийн кино од болсон түүнийг Холливудын акулууд анзаарч эхэллээ. Холливуд бол Азийн нэг жүжигчин бүү хэл америкийн авьяаслаг жүжигчинд хүртэл хүрч очиход бэрх ертөнц шүү дээ.

2009 онд Холливудын комик кино цуврал G.I. Joe: The Rise of Cobra-д туслах дүр бүтээв. Холливуд дахь түүний дараагийн алхам нь 2013 онд дэлгэцнээ гарах домогт жүжигчин Брюс Уиллисын амжилттай уран бүтээл болох тэтгэвэрт гарсан тагнуулчдын адал явдлыг дүрсэлсэн “RED” киноны хоёрдугаар ангид тоглож байна. Энэ кинонд кино урлагийн акулууд болох Bruce Willis, John Malkovich,  Catherine Zeta Jones,  Anthony Hopkins, Helen Mirren нартай тоглож байгаадаа өөрийгөө хязгааргүй азтайд тооцож байна хэмээжээ.


2012 оны  зургадугаар сарын 23-ны өдөр И Бён Хоны хувьд мартагдашгүй өдөр байв. Энэ өдөр тэрээр  Hollywood Walk of Fame буюу Холливудын алдартнуудын гудамжинд Азийн жүжигчдээс анх удаа гарын хээгээ дарсан ази гаралтай жүжигчин болсон юм.

Ийнхүү даруухан царай, зөөлөн инээмсэглэл, эелдэг төрхтэй жүжигчин маань хувийн амьдрал болоод уран бүтээлдээ амжилт арвинтай он жилүүдийг үдэж байна.

төрсөн дүүтэйгээ

Дугаар Гарчиг Нэр Date Уншсан
26 BTS” хамтлагийн тоглолтуудыг Азийн зургаан орны кинотеатраар шууд дамжуулан үзүүлнэ file МИX 2019.10.24 138
25 Шин Мин А Солонгосын хүүхдүүд төдийгүй Монгол, Камбож зэрэг улсуудын түлэгдэлтэй 8 хүүхдүүдийг Солонгост авчран эмчүүлсэн удаатай гэнэ. file МИX 2019.03.04 700
24 БНСУ-ын хөвгүүдийн хамтлаг Европын хөгжмийн наадмаас шагнал хүртжээ file МИX 2018.11.07 260
23 Чи бэлэн үү? file МИX 2018.09.18 584
22 ДУУЧИН РЕЙН ШИНЭ ЦОМОГ ГАРГАНА МИX 2018.06.25 439
21 “ШЯЙНИ” ХАМТЛАГИЙН ГИШҮҮН АМИА ХОРЛОЖЭЭ МИX 2017.12.19 7899
20 “Нарны үр сад” киноны жүжигчид гэрлэлээ МИX 2017.11.01 8553
19 Рэин, Ким Тэ Хи нар гэрлэнэ file МИX 2017.01.17 10166
18 Дэлхийд гайхагдсан Монголын авьяастнууд file МИX 2017.01.17 10680
17 Солонгосын реппер Сан Ег Төрийн тэргүүнээ шогложээ МИX 2016.11.28 3983
16 Монгол залуу Холливудын кинонд дүр бүтээлээ МИX 2016.03.24 21793
15 Shilla зочид буудалд хуримаа хийжээ МИX 2016.03.24 19496
14 “Gangnam Style”-ийг 2,5 тэрбум хүн үзжээ МИX 2016.01.21 3579
13 МОНГОЛ ОЮУТАН СОЛОНГОС КИНОНД ДҮР БҮТЭЭЖ БАЙНА МИX 2015.11.12 2644
12 Монгол Солонгосын хамтарсан тоглолт болно МИX 2015.09.25 2587
11 Монгол залуу “Asian best model” боллоо file МИX 2014.11.24 3675
10 "K-Pop world festival" дэлхийн наадамд Б.Очирбат 3-р байр эзэлжээ file МИX 2014.11.08 3774
9 “K-Pop World Festival 2014” -ийн оролцогч Монгол залуу file МИX 2014.10.10 3649
8 Солонгосын рэпер PSY-гийн шинэ клип дахиад л дуулиан тарилаа МИX 2014.06.10 5847
» И Бён Хон түүх амьдарлаас (Ким Ин Ха) МИX 2014.06.02 12543