Ерөнхийлөгч Пак Гын Хе сар бүр цалингийнхаа 20%-ийг хандивлана
2015.09.25 11:17
Өмнөд Солонгосын Ерөнхийлөгч Пак Гын Хе ирэх сараас эхлэн сар бүрийнхээ цалингийн 20%-ийг хандивлах болжээ.
Тэрээр өөрийн санаачлагаар залуучуудад ажлын байр бий болгох зорилго бүхий "Залуучуудын Хөдөлмөрийн Сан"-г байгуулж байгаа бөгөөд сангийн үйл ажиллагааг дэмжих зорилгоор ийнхүү өөрийн цалингаас хандив өгөх болсон байна.
"Залуучуудын Хөдөлмөрийн Сан" нь бонд гарган худалдах ба түүгээр цугларсан мөнгөөр залуучуудад зориулан ажлын байр бий болгох бүх төрлийн ажлуудад хөрөнгө оруулалт хийн, дараа нь тодорхой хувийн ашиг өгөх байдлаар ажиллах юм.
Ерөнхийлөгч Пак Гын Хе сард дунджаар 20-н сая воны цалинтай боловч нэмэгдэл цалин болох сар бүрийн гурван сая 6850-н мянган воныг хандивын байгууллагад хандивладаг ажээ. Харин энэ удаа тэрээр сар бүрийн цалингийн 20%-ийг хандивлахаар болсонооор сард дунджаар 16-н сая воны цалин авах болсон байна.